Virtuose skulpturar
Lørdag 21. september er det klart for vernissage og ei heilt ny utstilling på Vedholmen Galleri.
- Bergenbusatte Kjell Johannessen er ein av Noregs mest anerkjente keramikere innan figurativ skulptur, fortel Vibeke Harild frå Vedholmen Galleri.
På bakgrunn av Harild og mannen Peter Marron si eiga skulpturelle utdanning frå Danmark, Irland, Holland, USA og Noreg, i tillegg til 15-20 års erfaring som kunstnarar og gallerist meiner ei at denne utstillinga er av høgste internasjonale standard.
- Det vi såg då vi vitja atelieret til Johannessen tok nesten pusten frå oss og dei ferdige skulpturane har meir enn innfridd forventingane.
Utstillinga er samansatt av virtuose skulpturar i Johannessen særeigne stil; store torsoar og figurar i svart keramikk.
Når Johannessen kjem til Vedholmen Galleri blir det hans første separatutstilling i Bergensområdet på mange år, og det vil Harild markera.
Vernissagen blir opna av Reidar Storaas, pensjonert kulturjournalist i BT og det musikalske innslaget blir ved gitarist Morten André Larsen frå Griegakademiet. (Les:Med grep på Grieg)
- I skulpturbygda Os håper eg det vil vera stor interesse for denne utstillinga, avsluttar Harild.