Vinden byrjar å ta tak
Store bølgjer slår inn over Mobergsvikjo i starten på det som skal bli ein forblåst dag på Vestlandet.
Bildeserie:
Det er meldt kraftig vind til i dag. Yr har meldt opptil 18,5 m/s (sterk kuling), Storm har meldt 12,6 m/s (liten kuling).
– Vi har førebels ikkje fått melding om nokre problem, verken i båthamner eller med velta tre, seier Anne Kjersti Storebø frå Os brann- og redningsteneste.
OPPDATERT: Hegglandsdalsvegen (fv 137) er stengt
– Vi vil oppmoda folk om å sikra lause gjenstandar, legg ho til.
Har du tips eller bilde? Send til 90789270 eller kjetil@midtsiden.no
I store delar av Nordhordland og i delar av Bergen er folk straumlause i dag.
I le bak moloane
Vinden kjem frå søraust og står i morgontimane i dag omtrent vinkelrett på Mobergsvikjo, noko som gjer at moloane rundt Os hamn har maksimal effekt.
Det er òg venta at vinden skal halda stabil styrke og retning gjennom dagen.
Det er full flo i Os klokka 13.52 i dag.
Meir vatn - mindre vind
Det er meldt regn frå 19-tida og gjennom heile dagen i morgon.
Vindstyrken skal avta natt til torsdag og koma ned i 4-7 m/s ettermiddag og kveld nyttårsaftan.
Kjelder: Pent.no og sehavniva.no