Velta tre stenger Hegglandsdalsvegen
Hegglandsdalsvegen (fv 137) er stengt grunna fleire velta tre rett nord for avkøyrsla til barneskulen.
Rett før klokka 10 onsdag morgon kom det melding om stengt veg i Hegglandsdalen.
– Det skal vera fleire velta tre over fylkesveg 137, seier Anne Kjersti Storebø frå Os brann- og redningsvesen.
Vegen er stengt ved nummer 595, som er rett nord for avkøyrsla til Hegglandsdalen barneskule.
– Det er førebels ikkje noko oppdrag for oss, vegvesenet er varsla og skal vera på veg ut.
Fleire er straumlause
Politiet melder på twitter om stengt veg grunna fare for velta tre. Framme på staden ser vi at faren var reell, trea ligg allereie i bakken og har tatt med seg lågspent og internettlinje.
Fleire i Hegglandsdalen er no utan straum.
Midtsiden kjem tilbake med meir.
Har du tips eller bilde? Kontakt Midtsiden på 90789270 eller kjetil@midtsiden.no
Sjå bildeserie frå Os hamn onsdag morgon.