Vil selja restauranten

Restauranten Happy Time, som i mars opna i lokalet Big Chef hadde frå oktober til januar, blei måndag lagt ut for sal.

Happy Time er open i dag, men dagleg leiar Edmond var ikkje å treffa.

– Han er på utanlandsreise denne veka, fortel ein kollega Midtsiden har snakka med.

Held ope framover

Årsaka til at restauranten skal seljast er at det skal ha blitt for travelt for innehavar å driva tre restaurantar.

– Korleis har dei første vekene vore?

– Det har vore heilt ok, ikkje kjempebra, men greit nok til å ha to i arbeid.

– Skal de stenga fram til restauranten eventuelt blir selt?

– Nei, den skal vera open framover, fortel Edmond sin samarbeidspartnar.