Vann senior-NM

Førre helg forsvarte kappgjengar og TIF Viking-utøvar Joakim Sælen (18) tittelen sin i junior-NM. Denne helga deltar han i friidretts-NM på Byrkjelo, for senior, og jaggu blei det gull der òg.

Joakim gjekk inn på 22.46,08 på 5000 meter, noko som både er personleg rekord og banerekord på Byrkjelo. Det heldt også til NM-gull.

Til samanlikning gjekk Joakim 22.51,68 førre helg.

Sølv og bronse gjekk også til Os, Bjørn Ove Myrvold Ølness frå STIL fekk 2. plass med tida 23,11,20, Arild Fotland fekk bronse med tida 24,25,89.

Joakim deltok også i senior-NM i fjor. Då blei det på sølv på 20 km (1.45.09) og bronse på 10 km (48.49.6). I tillegg vann han gull på 10 km lag.

Kjersti nærmar seg 50 gull

I fjor, etter nesten to år utan konkurransar, deltok Kjerti Tysse Plätzer i NM og vann gull på 5000-meteren. Dette var hennar NM-gull nummer 46, og på spørsmål om ho ville halda fram til 50 gull va i boks svarte ho sånn:

– Det var aldri meininga at det skulle bli 46 heller, men det kan jo henda at eg stiller av og til, og at eg er god nok til å vinna fleire gongar. Men eg går lite kappgang for tida og ville nok ikkje stilt i år om NM var i ein annan by.

Vel, fredag gjekk Kjersti inn til gull nummer 47. Det tok ho på 3000 meter med tida 14.00,41.

På plassane bak kom to jenter frå Gloppen, Merete Helgheim og Kristiane Rygg, med tidene 14.16,92 og 16.53,54.