Ulike meldingar for 17. maivêret

Regnet vi har i dag, torsdag, skal gi seg i 16-tida. Så skal det vera opphaldsvêr til og med måndag.

Det er venta gradvis varmare, frå 10-12 i dag og fredag til 16 laurdag og 19-20 søndag.

Tysdag og onsdag er det venta å bli vått og grått.

Men kva med fest og fotball 16. mai og markeringa av grunnlovsdagen?

Langtidsvarselet på VG Pent, som viser Yr og Storm side om side, viser at dei to ikkje er samde.

Dei har dessutan justert seg frå i går kveld til i dag, og frå i formiddag til no.

Torsdag 16. mai: Yr melder sol og 18 gradar, Storm melder regn og 12 gradar.

Fredag 17. mai: Yr melder regn og 15 gradar, Storm melder sol og 10 gradar.

Kva vêr har vi vanlegvis? Vi har hatt mykje fint vêr dei siste åra. Her er bildeserie som viser regn og sol 17. mai frå 2011 til 2023:

Bildeserie:

Full skjerm

1 av 18

Om det blir overskya eller lettskya, vått eller tørt, 10 eller 15 gradar, er med andre ord foreløpig uvisst.

• Sjå detaljert vêrvarsling for Osøyro på VG Pent