Ungdomsmiljøet på kveldstid bekymrar politiet
Politiet skjerpar innsatsen i Os sentrum etter at ungdomar i går løpte frå politiet.
Måndag kveld om lag klokka 19 møtte ein politipatrulje nokre ungdommar ved bussterminalen i Os sentrum. Mange av dei løpte frå staden då politiet nærma seg.
Det er sterk mistanke om at ungdommane drakk alkohol.
– Foreldra til to av ungdommane vart kontakta av politiet, og dei kom for å henta ungane sine, fortel politibetjent Atle Birkeland.
Denne hendinga kjem i kjølvatnet av at politiet har merka ein auka aktivitet blant ungdom i sentrum, særleg på ettermiddag og kveld.
– Vi ser at det har vore ein del aktivitet med ungdom involvert i Os sentrum på ettermiddag og kveld den siste tida. Vi vil difor prioritera å vera til stades i området i tida som kjem, opplyser Birkeland.
