Politi | 29. okt. 2023
Ønskjer tips etter eggkasting
Farleg leik på Søre Neset laurdag kveld.
Kjetil Vasby Bruarøysundag 29. okt. 2023 09:03
Laurdag i 20-tida fekk politiet melding frå ein bilførar som fortalte om eggkasting.
– Nokre ungdomar skal ha stått på ei av bruene som går over E39 Halhjemsvegen og kasta egg på bilar som køyrde i 70-sona, fortel vakthavande ved Bjørnafjorden politistasjon.
Brua dei skal ha kasta frå er den som går frå Lekvenvegen til Nilsavegen.
Politiet hadde ikkje ledig kapasitet til å senda patrulje til staden, og ber om tips for å følgja opp saka.
Tidlegare laurdag, frå klokka 09 til 10.30, hadde politiet promillekontroll på Byvegen på Søfteland.
– Dei sto ved Søfteland barneskule. 62 trafikantar blei kontrollerte og dei fann ingenting å reagera på.
