Ungdomar sprang då politiet kom - på staden låg ein sekk med brukarutstyr

Då politiet oppsøkte Nore Neset ungdomsskule på nattestid, var det ein gjen med ungdomar som sprang frå staden.

– Ungdomane blei ikkje innhenta, men patruljen sjekka ein sekk som låg igjen på staden, opplyser vakthavande ved Bjørnafjorden politistasjon.

I sekken fann politiet ein del brukarutstyr til narkotika og mindre mengder narkotika.

– Det er ukjent om sekken tilhøyrer nokre av ungdomane, legg politiet til.

Hendinga skjedde i 01.30-tida natt til laurdag. Det er oppretta sak på forholdet.

Ein time seinare rykte politiet ut saman med brannvesenet til ein bustad der det var meldt om brann.

Brannen skal ha starta sopm følgje av røyking på senga. Brannen var sløkt før brannvesen og politi kom til staden.

– To personar blei eksponert for mindre mengder brannrøyk. Det er oppretta sak på forholdet.