Politi | 05. mai 2023
– Ein uavklart trugselsituasjon
Først fekk politiet melding om uro mellom mann og kvinne i sentrum, så om trugslar nord for sentrum.
Kjetil Vasby Bruarøyfredag 05. mai 2023 08:57
Ved sidan av UP sin fartskontroll på Halhjemsvegen i går, var lokal patrulje ute på to oppdrag.
– I 15.30-tida fekk vi melding om uro og mogleg fysisk konfrontasjon mellom ein mann og ei kvinne i Os sentrum, opplyser politioverbetjent Christine Grindstein.
Ingen av partane ville melda kvarandre, begge blei dimittert etter samtale med patruljen.
Rundt klokka 17.50 blei det meldt om ein uavklart trugselsituasjon på ei adresse litt nord for Os sentrum.
– Patruljen møtte mistenkte, ein mann i 50-åra. Dei fekk oversikt over situasjonen, og det er ikkje oppretta sak, opplyser Grindstein.
