Ungdomar mistenkte for hærverk på bygg og bil
Politiet ber om tips.
I 01.40-tida natt til torsdag fekk politiet melding om skadeverk.
– Fleire ungdomar skal ha kasta ting på bygningar. Dei skal også ha gjort skadeverk på ein bil, opplyser politioverbetjent Anne Lyssand.
Episoden fann stad nord for Os sentrum, nær rundkøyringa mellom Byvegen og Industrivegen.
Patrulje frå Bergen var på plass først 45 minutt seinare. Dei søkte i området utan å møta nokon som passa skildringane.
– Vi ønskjer opplysingar frå fleire vitne, seier Lyssand.
Torsdag morgon blei ein båt funnen. Det viste seg at dette er den same som den som blei meldt stolen måndag kveld.
– Ein lykkeleg eigar er varsla. Båten har truleg slite seg frå fortøyinga.
Torsdag i 18.30-tida hadde UP fartskontroll på Søre Neset. Det førte ikkje til reaksjonar.
Seinare hadde dei kontroll på E39 ved Storestraumen og Hjellemarka. Der kontrollerte dei 64 trafikantar for promille og annan rus, ingen av desse gav utslag.
