Tre sjåførar fekk til saman fem åtvaringar

Statens vegvesen hadde kontroll på Halhjem onsdag på dagtid.

12 køyretøy blei kontrollert for periodisk kontroll, forsikring og avgifter, opplyser John Kåre Larsen i sin rapport frå dagen.

Det var ingen tekniske manglar, men det blei gitt bruksforbod til éin grunna underkøyringshinder og éin for dårleg lastsikring. Vedkomande måtte sikra lasta betre før han fekk køyra vidare.

Éin bil hadde kran som ikkje var godkjent, noko det blei sendt rapport om til Arbeidstilsynet.

Tre sjåførar blei kontrollerte for køyre- og kviletid, noko som resulterte i fem åtvaringar for brot på reglementet.