Politi | 06. juli 2022
Mistenkt for køyring i rus etter at bilturen enda i eit gjerde
Mannen har ikkje gyldig førarkort.
Kjetil Vasby Bruarøyonsdag 06. juli 2022 20:28
Onsdag klokka 18.03 fekk politiet melding om eit trafikkuhell. Ein bil hadde køyrd seg fast i eit gjerde på ein smal veg.
– Patruljen fekk ein prat med bilførar. Han framsto som rusa, og blei tatt med for prøvetaking. Sak er oppretta, opplyser Vest politidistrikt via Twitter.
Staden dette skjedde på er opplyst som «Prestegardsskogen og Søfteland».
Midtsiden har ikkje lykkast med å koma gjennom på pressetelefonen til operasjonssentralen, men det har Os & Fusaposten.
Dei har fått opplyst at uhellet skjedde på ein gangveg i Prestegardsskogen, og at bilførar er ein mann i 40-åra utan gyldig førarkort.
