Tre av Ramo
Bildeserie: Os 2 med ei enorm opphenting mot Valestrand Hjellvik. 0-3 blei til 4-4 med tre mål av Ramo Racic.
Bildeserie:
Laurdag sikra A-laget plassen i 3. divisjon. Sundag tok 2. laget imot Valestrand Hjellvik til dyst på Kuventræ. Os fekk verst tenkeleg start med 0-3 i løpet av det første kvarteret. Like før pause reduserte Ramo Racic med kveldens første nettkjenning.
– I pausen snakka vi om at vi måtte få meir fart på ballen og beina.
– Valestrand Hjellvik såg ikkje ut som om dei var veldig godt trente, så eg sa til gutane at vi berre måtte køyre på og vera tøffe i duellane.
– Det einaste vi ikkje skulle bry oss om var stillinga, fortel trenar Tore Nielsen.
Enorm opphenting
Rett frå garderoben auka Valestrand Hjellvik til 1-4, og dei tilreisande supporterane rekna nok med at sigeren var i boks.
– Den prestasjonen unggutane gjer i 2. omgang står det stor respekt av.
– Mykje av fotballen sit i hovudet, og sundag viste dei at dei kan kome tilbake. Det var ingen som gav opp.
– Ramo er ein notorisk målskårar og putta på to til. I tillegg skårte Adrian Valle på eit flott langskot.
Ufine supportarar
Etterkvart som Os åt seg innpå Valestrand Hjellvik tok temperaturen seg opp på tribuna.
– Det kom mykje drit frå bortesupporterane, både mot dommarane og mot våre spelarar.
– Det er dumt når supporterane oppførar seg slik, men eg tykkjer dommarane løste oppgåva greit.
– No gjeld det berre å plukke mest mogleg poeng også i 4. divisjon, så får vi sjå korleis det ender, avsluttar Ostrenar Tore Nielsen.
Os2 - Valestrand Hjellvik 4-4 (1-3)
Os sitt lag: Martin Tysseland, Thomas Mjelva, Kjartan Svendsen, Jon Ole Johannessen, Håvard Grøteide, Robin Hjertnes, Adrian Valle, Isak Røen, Emil Halvér, Sander Kvittingen, Ramo Racic.
Innbyttarar med speletid: Steffen Ludvigsen, Øystein Takle Eide og Aksel Skår.
Os ligg framleis nest sist på tabellen i 4. divisjon, men berre tre poeng bak sundagens motstandar Valestrand Hjellvik på 9. plass.