Tøff kamp mot Tertnes

Os slo Tertnes 2-0 på Kuventræ i serien i fjor, men i dagens treningskamp i Vestlandshallen blei det stortap.

Tertnes - Os 6-0 (2-0)

– Vi blei ikkje rundspelt, men vi klarte heller ikkje å skapa noko særleg. Vi var nok like nær 7-0 som 6-1, seier Os sin assistenttrenar Bjørn Mjelva.

Os måtte klara seg utan spelarar som Anders Kloven, Stian Lunde, Erik Kanestrøm, Tore Valvik og Mats Lepsøe.

– Torkel Hjertnes var kaptein og gjorde ein god jobb. Og så var det kjekt å sjå Dani Bergstø tilbake på banen. Han sto i midtforsvaret i 70 minutt og gjorde ein god jobb.

– At det blei tap bryr vi oss ikkje så mykje om. Vi stilte med eit litt ungt lag og avslutta endå yngre.

– Vi tapte på litt manglande rutine i dag, spelarane viser både godt humør og bra tenningsnivå for tida,så vi ser fram til NM-kvalik mot Austevoll og serieopning mot Lysekloster, seier Mjelva.

Også Lysekloster har tapt for Tertnes (5-2) i vinter.

Neste helg speler Os to treningskampar, laurdag borte mot Vadmyra, søndag heime mot Bergen Nord (kl 18.00).