Politi | 05. apr. 2022
To syklistar kolliderte
Ein av dei blei frakta til legevakt i ambulanse.
Kjetil Vasby Bruarøytysdag 05. apr. 2022 09:30
Måndag i 18-tida fekk politiet melding om ei sykkelulykke i Idrettsvegen.
– To personar var involvert. Begge er i ungdomsskulealder, fortel vakthavande ved Bjørnafjorden politistasjon.
Ambulanse, lege og politi blei sendt til staden.
– Den eine var uskadd, den andre blei frakta i ambulanse til legevakt for vidare undersøking.
Politiet har oppretta sak på forholdet.
Kontrollerte lastebilførar
Måndag i 22.20-tida stoppa politiet ein lastebil på Byvegen.
– Han køyrde uvanleg sakte. Årsaka var ikkje promillekøyring, men at han er ukjent i området.
