Tar telling i Tellevika

Vêret har snudd frå sol og varme til vind og regn, og Midtsiden har fått tips om at ikkje alle båtar er like godt sikra.

– Nokon har laga seg eit feste på neset utanfor Tellevika, men båten som ligg der er ikkje fortøydd godt nok, seier ein nabo til fjøra nedanfor Kuhnle.

Ein plastbåt med påhengs ligg og bankar oppetter svaberget.

– Om det er nokon som kjenner eigaren bør dei varsla vedkomande snarast, så ikkje vi får fleire vrak opp i Tellevika, og siktar til det større båtvraket som lenge låg i vika.