Tapte for Varegg
Os spelte treningskamp i Sotrahallen i dag.
Etter 2-1-siger over Frøya og 0-1-tap for Lysekloster spelte Os i dag sin tredje treningskamp.
Motstandar var Varegg, som tidegare har vore ein vrien motstandar for Os, men som speler i Os 2 si naboavdeling i 4. divisjon i år.
Varegg - Os 3-0 (1-0)
– Vi mangla litt kraft og energi i gjenvinningsfasen, og fekk for mange kontringar på oss. I tillegg blei det nokre tekniske feil, så vi kom ut av rytmen ein del, synest Os-trenar Endre Brenne.
– Vi styrte mykje av kampen, og burde ha skåra mål, men samla sett var det ein svak prestasjon av oss.
Os: Erlend Hevrøy - Jonathan M. Lund, Rune Mo, Jonas Hovland - Anders Havsgård, Torbjørn Lunde, Vebjørn Haga, Sverre Spangelo Haga - Sebastian Plätzer, Steffen Kvansdal og Leif Simen Mjånes.
Innbytarar med speletid: Aksel Lunde Fredriksen, Magnus Spangelo Haga, Kaspar Klett Døsen, Oliver Hope Rasmussen og Egil Thuen.
Neste treningskamp går to divisjonar opp, laurdag om ei veke, mot Øygarden.
Også den kampen går i Sotrahallen.
