Skulle svinga unna ein hjort
To andre bilistar er mistenkte for køyring utan førarkort og køyring med promille.
Måndag morgon, før klokka 06, køyrde ein bil i autovernet på E39 Osveien.
– Bilførar skal ha svingt unna ein hjort som kryssa vegen, men gjorde i staden stor skade på eigen bil, opplyser vitne.
Verken Vest politidistrikt eller Vegtrafikksentralen har informert om uhellet i natt, og bilen blei fjerna før morgonrushet.
Søndag morgon i 08.20-tida hadde politiet promillekontrollpå E39 Byvegen i Storestraumen.
– 43 bilførarar blei kontrollerte. Ein av dei, ein mann i 40-åra, er mistenkt for køyring med promille. Han samtykka i førarkortbeslag, fortelpolitioverbetjent Anne Lyssand.
Laurdag i 14.30-tida fekk politiet tips om ein person utan førarkort som var på køyretur.
– Vi kontakta han, men vedkomande erkjente ikkje å ha køyrd bil. Vi har oppretta sak på forholdet, fortel Lyssand.
Søndag kveld fekk Midtsiden tips om «tidenes sniking» på Halhjem ferjekai.
– Ein bil køyrde rundt billettbåsane og ferjekøane, som om vedkomande skulle henta eller setja nokon av, men svingte så opp feil veg i spora meint for bilar som skal med ferjene.
Ferjepersonalet blei tipsa. Midtsiden har foreløpig ikkje lykkast med å få tak i Torghatten for å høyra kva reaksjon vedkomande fekk.
