Sverre blei operert fredag kveld

Sverre Lunde Pedersen blei fredag kveld operert på Ullevål sykehus etter sykkeluhellet torsdag.

Han blei operert for to mindre brot i venstre hand og eitt brot i høgre underarm på Ullevål sykehus, opplyser Norges Skøyteforbund.

– I tillegg er det påvist eit mindre brot i kinnbeinet, men dette krev ikkje operasjon.

Operasjonen var vellykka, og han blir liggande til vidare observasjon på Ullevål.

Sverre fekk òg ein skade på levera. Den er under kontroll og stabil.

– Vi ber om forståing for at Sverre no treng ro og kvile, seier generalsekretær Håkon Dahl.

Sverre blei skadd på sykkel på ein treningstur ved Nesvatn i Fyresdal kommune. Han skal ha køyrd i eit hol i vegen og hamna i grøfta.