Straum på veg
Arbeidsmannskap frå BKK melder om seks husstandar utan straum i Hegglandsdalen.
Bildeserie:
Husstandane på begge sider nærast trevelta i Hegglandsdalen er utan straum. Arbeidsmannskap frå BKK kom til staden ca klokka 11, og skal leggja midlertidig straum rundt trevelta for å få straumen tilbake til dei som no er utan.
– Det ser ikkje bra ut dette. Fiberkabelen ligg heilt i bakken, telefonlinja er nede, og lågspenten, seier Nils Terje Pettersen.
– Ser utrygt ut
– Eg kan ikkje tru at dei byrjar med rydding i dag. Det er fleire tre som ser ut som dei står i fare for å velta, og det eine der borte ser ut som det kan knekka rett av. Det er det som er farlegast. Då kjem treet det fort ned, og det er då liv kan gå tapt, seier Pettersen.
Både Rune Nordtveit og Kenneth Leirvåg seier seg einige i det. Dei tre er også samde om at det er tryggast å leggja ny kabel over marka på trygg avstand frå dei trea som er velta, og dei andre som potensielt kan følgja etter.
– Vi håper å vere ferdige på eit par timar, seier Nordtveit.