Stolen elsykkel og rask lettmotorsykkel
Gut målt i 89 km/t i 50-sone.
UP hadde tre kontrollar i Os i går.
Ved Holtbrekka sjekka dei bilbeltebruk på Byvegen, og delte ut fire gebyr.
På E39 Halhjemsvegen blei det ingen reaksjonar i fartskontroll, men så flytta dei seg til ei 50-sone på Lepsøyvegen.
Der sto dei frå klokka 21 til 22.30, og fanga fem fartssyndarar med laseren.
Høgaste fart blei målt til 89 km/t. Vedkomande, ein 16 år gamal førar av lett MC, samtykka i beslag.
Tjuveri av elsykkel
Onsdag formiddag fekk politiet melding om eit «innstigningstjuveri» (ulåst bygg) frå ein garasje.
– Ein elsykkel av merket Diabello er meldt stolen. Denne har verdi på rundt 20.000 kroner, opplyser politioverbetjent Christine Grindstein.
Tjuveriet har skjedd i løpet av natt til onsdag. Politiet har vore og undersøkt åstaden, og forholdet er meldt.
