Stenger eitt felt i fire månadar

I neste veke startar omfattande gravearbeid i Byvegen.

– Det skal gravast grøft for legging av ny hovudleidning for vatn, opplyser Siril Langhelle, prosjektingeniør i Bjørnafjorden kommune.

Arbeidet skjer mellom avkøyrsla til Kiwi Idrettsvegen og fram til avkøyrsla til Gymnasvegen.

Det er Løvaas Maskin og Rørleggeriet som utfører arbeidet.

Trafikale endringar frå måndag 12. februar er:

• Stenging av eitt køyrefelt
• Lysregulering på strekket
• Stengt gangveg mellom avkøyrslene

Arbeidet er planlagt å halda fram til 5. juli.

– Kommunen vil i tida framover ta kontakt med grunneigarar som vert direkte råka av arbeida, etterkvart som framdrifta går sørover langs strekninga, informerer Langhelle.