Stal handlevogn

Tysdag kveld etter klokka 21.13 fekk politiet melding om tjuveri av ei handlevogn på AMFI Os.

– Gjerningspersonen er kjent for politiet frå før, opplyser politioverbetjent Anne Lyssand.

Sak blir oppretta og senteret sit på videobevis. Om handlevogna var lett å trilla på tjukk snø, er ikkje nemnt i rapporten.

Rund klokka 01 natt til torsdag køyrde politiet til ein bustad nord for Os sentrum.

Dei hadde fått melding om støy frå ein leilegheit.

Ein mann i 30-åra fekk muntleg pålegg om å dempa støynivået, og å halda det lågt fram til klokka 09 torsdag morgon.