Sommarens beste fiskebilde
Mest imponerande, mest sjarmerande og beste blinkskot var kategoriane då Midtsiden og MX Sport inviterte til fiske-foto-konkurranse. Her er vinnarane.
Bildeserie:
I sommar inviterte Midtsiden i samarbeid med MX Sport Os til fiske-foto-konkurranse i tre kategoriar.
Les òg: Send fiskebilde - vinn kajakk
Vinnaren av kvar kategori får 500 kroner i gåvekort. Ein av vinnarane er kåra til best uansett klasse og får ein sit on top-kajakk.
Premiane er sponsa av MX Sport Os.
I juryen: Midtsiden-redaktør Kjetil Vasby Bruarøy, butikksjef i MX Sport Os, Lars Petter Grønvigh og tidlegare NM-deltakar i havfiske, Truls Marceliussen.
Mest imponerande fangst
1. Kveite på 80 kg (150 cm), fiska med line utanfor Sandane i Sogn og Fjordane 30. juli, av familien Sande Bjørø, representert ved gutane Håvard, Eivind og Torgeir.
2. Torsk på 17,9 kilo fiska av Kristine Gilje Lekven, som saman med bror Per Gunnar og far Nils Gunnar fiska 170 kilo med torsk på stang og blank deco pilk på under ein time (!) utanfor Skudeneshavn i februar i år.
3. Torsk på 15 kilo fiska av Jarl Martin Sørås med stang utanfor Marsteinen i slutten av juli.
Mest sjarmerande
1. Sofie Skulstad Størkson med torsk tatt utanfor Skorpo 17. august.
2. Fredrik Strønen Sperrevik (4) med sin første fangst på stang, ein lyr tatt utanfor Skorpo 18. mai.
3. Emil Eivind, Håvard og Torgeir, frå familien Bjørø, med tre langer på rundt 3 kilo og éi brosme på 400 gram.
Mest morosame/beste blinkskot
1. Vittig positur på Richard Walden saman med ein steinbit på 12 kilo tatt med garn.
2. Stemningsfullt bilde av abbor fiska av Adrian Valle på Isteren i Hedmark i juni.
3. Kreativ dekorasjon av makrell etter at Kristian Haugland fiska 102 eksemplar av arten i slutten av august.
Best uansett klasse, vinnar av sit-on-top kajakk:
Sofie Skulstad Størkson sjarmerte juryen i senk og stikk, i tillegg til gåverkortet på 500 kroner, av med hovudpremien, ein sit on top-kajakk.
"Ei skjønn og kul jente som berga middagen i familien Størksen med god, lokal fangst".
Midtsiden ber om orsak for at kåringa av vinnarar kjem seinare enn først annonsert. Vi håper at de likevel kan ha glede av premiane i år - og i åra som kjem!
Vi vil takka alle innsendarane for innsatsen og ønskja skitt fiske og velkomen tilbake til deltaking neste gong vi arrangerer konkurranse!
Sjå òg: Midtsiden samleside, jakt og fiske.