Lysekloster sto med 1-1-1 etter tap for Åkra førre runde, og reiste til Haugesund innstilt på å setja sjansane sine.
– Haugesund 2 stilte med seks spelarar frå A-stallen, og det blei ein fartsfylt og underhaldande kamp, synest Lysekloster-trenar Ruben Hetlevik.
Fleire av dei har spelt dei fleste Eliteserie-rundane i år, som Chuhwak og Holtan, som har spelt alle fem.
– Heldigvis sette vi nokre av sjansane våre i dag, i tillegg var vi bunnsolide bak.
Lysekloster gjekk opp i 0-1 etter 22 minutt.
– Ole sitt første mål for oss var eit flott skot frå minst 20 meter og rett i krysset, fortel Hetlevik.
Så auka dei til 0-2 då Alme la eit hardt innlegg frå dødlinja, og ein Haugesund 2-spelar skåra sjølvmål.
Vertane reduserte før pause, men det blei deira einaste mål i kampen.
Lysekloster skåra to til midt i andre omgang, og vann komfortabelt.
Haugesund 2 - Lysekloster 1-4 (1-2)
Målskårarar, Lysekloster: Ole Kallevåg, Tobias Heltne Alme og Christian Dahl.
Kampfakta på fotball.no
Lysekloster tar imot Stord laurdag (kl 14).
Stord har tatt berre 3 poeng på dei første 4 kampane.
Fleire resultat i 4. runde:
Åkra - Bremnes 0-0
Fana - Djerv 1919 6-0
Stord - Sola 4-0
Sandnes Ulf 2 - Brodd 1-1
- Tabell og terminliste på fotball.no
