Skulle dela kai. Så blei det svikt hos «Kommandøren»
Ferja som går mellom Halhjem og Våge fekk «black out» same dag som den skulle dela kai med Halhjem-Sandvikvåg.
Ferja MF «Kommandøren», som går for Fjord1 på Halhjem-Våge, fekk i 06.30-tida teknisk problem rett etter at den hadde lagt frå land.
– Dei fekk ein «black out», altså eit straumbrot som påverka framdrifta, på veg ut frå kai, sa regionleder Tor Kristoffersen i Fjord1 til BT tidlegare i dag.
Sambandet er framleis innstilt, og parallelt med feilsøk jobbar Fjord1 med å få tak i reserveferje.
Påverka Halhjem - Sandvikvåg
Fredag fortalte Fjord1 at det kunne oppstå forseinkingar i sambandet frå måndag i samband med arbeid på ferjeleiet på Halhjem.
«MF Kommandøren må dela ferjeleie med Torghatten sine ferjer i følgande periode.Veke 46 - måndag 11.11 til og med torsdag 14. november og veke 47 - måndag 18.11 (kveld) til tysdag 19.11 (morgon).
Det var før ferja klokka 06.26 i dag havarerte.
– Vi har akkurat kome i land etter å ha lagt ein time utanfor Halhjem, sa ein passasjer på Torghatten-ferja mellom Halhjem og Sandvikvåg til BT klokka 07.14.
Fjord1 fortel klokka 09.01 at sambandet Halhjem-Våge framleis er innstilt, og at det blir jobba med å få tak i ei reserveferje.
Torghatten har i skrivande stund ingen trafikkmeldingar og Halhjem-Sandvikvåg på si heimeside, og skal dermed gå som normalt.
OPPDATERT kl 10.47: Reservefartøy MF «Lifjord» er på plass. Første tur frå Halhjem blir klokka 12.15.
