Teiner hindra ambulansebåt
– Ofte leverer vi svært kritiske pasientar. Denne gong var dei heldigvis friske nok til å venta.
Fleire av dei siste åra har ferjemannskap meldt om teiner som ligg uheldig plassert, nær eller i innseglinga til ferjekaiane på Hatvik og Halhjem.
I 2017 blei MF Gloppen, som gjekk på Hatvik-Venjaneset, sett ut av drift grunna teinetau i propellen.
I går skreiv Marius Strømmen, som er kaptein på ambulansebåt, om vanskar utanfor den gamle ferjekaien på Halhjem.
– Vi plar bruka sandkaien, som vi kallar den, når vi skal levera pasientar. Men utanfor kaien var det teiner i alle himmelretningar, skriv han på Facebook-sida «Oppslagstavlo i Os».
I staden måtte dei venta til det var ledig kapasitet i eitt av ferjestøa.
– Ofte leverer vi svært kritiske pasientar. Denne gong var dei heldigvis friske nok til å venta.
Bergen Havn, Fiskeridirektoratet og Kystvakten er varsla om tilstanden på Halhjem.
Strømmen ber fiskarar ta omsyn.
