For to veker sidan hadde UP kontroll tre dagar på rad på E39 Halhjemsvegen.
Fredag hadde dei fire kontrollar, tre av dei på E39, med totalt 46 forelegg.
Måndag blei det 15 forelegg i 80-sona på E39, tysdag formiddag var dei tilbake.
– Det blei 37 forelegg i går, fortel politioverbetjent Anne Lyssand.
Dermed er det skrive ut i alt 98 forelegg i Os på tre dagar, 94 av dei på E39.
Fartssyndarane er mange, men overtrampa er framleis ikkje store.
Det blei ingen førarkortbeslag. Høgaste fart blei målt til 100 km/t i 80-sona, noko som resulterer i eit forelegg på 9.100 kroner og tre prikkar på førarkortet.
Det blei også testa for promille, utan at utrykningspolitiet fann noko å reagera på.