Skåra på gamleklubben for ein annan gamleklubb
Ole Kallevåg med nettkjenning mot Lysekloster for Åsane.
Lysekloster spelte tysdag treningskamp borte mot Åsane.
Åsane kom på 13. plass av 16 lag i OBOS-ligaen i fjor, men har for nokre år sidan slite mot Lysekloster i NM.
Denne gong fekk OBOS-laget overtaket.
Åsane leia 3-0 etter 25 minutt og gjekk opp i 4-0 før Lysekloster reduserte.
Ole Kallevåg skåra på gamleklubben for ein annan gamleklubb. Han var i fjor var på utlån til Lysekloster frå Åsane, og sette i kveld 4-0-målet til Åsane.
Nysignerte Joachim Skorpen Edvardsen reduserte for Lysekloster.
Edvardsen har vakse opp i Fyllingsdalen, men har spelt i OBOS-ligaen for Jerv og Nest-Sotra frå 2015 til 2018 og PostNord-ligaen for Hønefoss, Sotra og Øygarden frå 2018 til i fjor. Hausten 2022 spelte han for Fyllingsdalen.
Treningskampen blei filma og sendt på direktesport.no.
Dette var Lysekloster sin tredje treningskamp i vinter. Tidlegare i år har dei slått Loddefjord 2-0 og 2. divisjonsklubben Sotra 2-1.
