Sit framleis fengsla
OPPDATERT 8/1: Mannen som natt til søndag blei tatt i væpna aksjon skal ha fremja trugslar. Blei dimittert etter avhøyr.
I 1-tida natt til søndag rykte store væpna politistyrker ut til ei adresse litt nord for Os sentrum.
Ein mann i 20-åra blei pågripen i ein udramatisk aksjon. Politiet tok òg beslag i ein pistol.
– Det var ein samling av ungdomar i huset då patruljane kom fram, fortel politibetjent Rune Fimreite.
Ingen av dei som var i huset var truga, men mistenkte skal ha sagt at han skulle ta nokon.
– Mannen er ein kjenning av politiet. Han skal ha truga med å ta nokon, men har ikkje retta trugslane mot dei han sa han skulle ta.
Mannen sit framleis fengsla. Det blir i dag tatt stilling til om han skal framstillast for vidare fengsling.
Oppdatering 8/1:
Mannen blei måndag avhøyrd og deretter dimittert.
- Det viste seg at våpenet det var snakk om var ein startpistol.
- Mannen blei avhøyrd om saka og så dimittert, fortel politibetjent Rune Fimreite.