Siste solgløtt på ei stund

Fredag i Os starta med frost på fleire bilglas, om du sto tidleg opp og bur på «rette» staden.

Så sto sola opp på blå himmel, og vi ligg an til å få ein strålande fredag.

Storm melder samanhengande opphaldsvêr fram til måndag kveld, med unntak av ei lita byge i 04-tida natt til laurdag og i 12-tida laurdag.

Yr melder nokre fleire timar med nedbør laurdag, i tillegg til ei byge

Både Yr og Storm melder nedbør måndag kveld og natt til tysdag. Storm melder òg lett regn gjennom tysdagen.

Det er meldt regnbyger også onsdag og torsdag, men noko lettare på tampen av haustferien.

• Sjå detaljert vêrmelding for Osøyro på VG Pent