Siste økt på Borgavegen

Arbeidet med legging av ny straumkabel frå stasjonen ved Oselvo opp til Nordmarka nærmar seg siste etappe.

Vegen skulle vore stengt i førre veke, men då Hegglandsdalsvegen same veke hadde nattestengt, med Borgavegen som omkøyring, blei det naudsynt å venta.

– Vi starta på arbeidet før helga, men utan å stenga vegen anna enn i korte periodar, seier Bjarte Bøe frå Grunn & Betong.

Vegstykket blir heilt stengt frå tysdag morgon 11. oktober til og med laurdag, og kanskje nokre dagar i starten på neste veke.

Gåande og syklande kan passera.