Rykte ut til røykutvikling

Torsdag i 19.45-tida fekk Midtsiden tips om avstengt butikk og brannvesen på oppdrag hos Spar på AMFI Os.

– Det var ein del røyk i butikken, og ubehageleg å pusta. Så såg eg kor det kom frå, ein taklampe, fortel tipsar, ein kunde i butikken.

På staden var røykdykkarar på veg ut.

– Det var ingen opne flammar. Røykutviklinga hadde òg avtatt, opplyser varabrannsjef Erik Walden.

Lokalet blei evakuert, men ingen andre butikkar var råka. Politiet på staden stadfestar at ingen blei skadd.

Butikken kunne òg opna igjen for drift den siste timen.