Fekk du ikkje nødvarselet?
Mange av dei som ikkje fekk varselet sist, hadde same mangel.
Klokka 12 onsdag 10. januar blei nødvarsel på mobil og Sivilforsvaret sine varslingsanlegg over heile Norge testa i ein felles nasjonal varslingsprøve.
I og rundt Os sentrum kunne vi høyra tyfonen som står på Os ungdomsskule.
Samtidig kom det varsel på mobiltelefonen, på norsk og engelsk.
Men det er ikkje alle får varsel på mobil.
Testen går ut til alle nyare og oppdaterte mobiltelefonar i Norge, og som er kpla på 4G/5G. Nokre nettbrett og smartklokker vil òg visa nødvarslar.
Ved varslingsprøven i juni 2023 fekk 78 prosent av befolkningen nødvarsel på mobil.
– Mange av dei som ikkje fekk nødvarsel sist hadde ikkje oppdaterte telefonar, uttaler Elisabeth Aarsæther, direktør i Direktoratet for samfunnssikkerhet og beredskap (DSB) i ei pressemelding.
– Vi minnar derfor spesielt om at for å kunna motta nødvarsel på rett måte, så må du ha ein nyleg oppdatert mobiltelefon.
Les meir om nødvarsel på dsb.no
