Klokka 14.50 i dag rykte Bjørnafjorden brann og redning ut til Vargavågen.
– Vi fekk melding om ein båt som gjekk ned. Det var observert på avstand. Vi rykte ut både direkte til Vargavågen med bil og med Unik-båten frå Halhjem, foprtel varabrannsjef Erik Walden.
Også KV Sortland, som låg i nærleiken, sette baugen mot Vargavågen, i tilfelle det var behov for assistanse.
![(Foto: Bjørnafjorden brann og redning)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F3292f152bb91e20303ac11ca06538b1d2194424a-1800x1200.jpg%3Frect%3D0%2C60%2C1800%2C1080%26w%3D752%26h%3D451%26q%3D100%26dpr%3D2&w=3840&q=75)
På staden viste det seg at båten, som er 16-17 fot, var fortøydd til land både framme og bak.
Den låg opp-ned med motorstamma i lufta.
Det var ikkje mistanke om folk i sjøen, og brannvesenet gjorde retrett.
– Eg veit ikkje kor lenge den har lagt sånn, men den har kanskje gått rundt i går, då det regna mykje, seier Walden.
OPPDATERT: Eigar har meldt seg. Han fortel at båten har velta ein av dei to siste dagane. Han jobbar no med å snu den igjen.
– Det er fint at folk melder ifrå, og bra at det ikkje var fare for helse denne gong, seier varabrannsjefen.