Rykte ut etter slåstkamp mellom mann og kvinne
I tillegg har to fulle russ fått hjelp, og nokre ungar funne på taket på Halhjem barneskule.
Politiet rykte i 01.20-tida ut til ein privat adresse etter melding om ein valdsepisode.
– Ein mann og ei kvinne skal ha slåst. Partane kjenner kvarandre frå før, men er ikkje eit par, opplyser operasjkonsleiar Knut Dahl-Michelsen.
Ingen av dei skal ha hatt behov for lege etter episoden, det var heller ingen som blei arrestert.
– Men vi har oppretta sak.
Russ fekk hjelp av ambulanse
Tidlegare på natta, i 00.20-tida, oppdaga politiet to fulle russ i krysset mellom Byvegen og Idrettsvegen.
– Den eine gjekk og sjangla i vegbanen, den andre låg i eit busskur og søv.
– Begge framsto som svært fulle. Vi fekk den eine opp på fortauet, den andre fekk hjelp av ambulansepersonell.
Såg etter hærverk på Halhjem - såg ungdom på taket
Laurdag morgon fortalte Bjørnafjorden lensmannskontor om nok eit tilfelle av hærverk på Halhjem barneskule - for tredje helga på rad.
I 20.20-tida var politiet utom med ein patrulje, og då var det ungar eller ungdomar på taket på skulen.
– Patruljen fekk ein prat med dei, og notert namn. Dei skal ikkje ha erkjent å ha utført noko hærverk.
