Ny runde med hærverk på Halhjem
Politiet ber om tips.
Tidlegare denne veka fortalte rektor ved Halhjem barneskule om to helger på rad med hærverk.
Fleire rutar må skiftast ut, og det er gjort skadeverk på dei nye hyttene til skulen.
– Vi har fått melding om meir hærverk, seier vakthavande ved Bjørnafjorden lensmannskontor.
Fleire vindauge er tilgrisa med jord, og det er spreidd mykje boss på skuleområdet.
– Dette er ikkje kjekt for verken skulen eller dei som bruker plassen til leik på fritida.
– Om nokon har observert kven som var i området, så ønskjer vi tips. Vi kjem også til å patruljera meir i området på kveldstid.
Støy på Søfteland
Politiet fekk klokka 00.30 natt til laurdag klage på støy frå ein fest på Søfteland.
Politiet fekk kontakt med vertsskapen.
– Vedkomande fekk pålegg om å dempa lydnivået, og skal ifølgje logen ha retta seg etter dette.
