Roleg gjenopning i Os
Politiet fekk éin fest å rykka ut til, og den var på god avstand frå Osøyro.
Laurdag klokka 10 kom regjeringa med full gjenopning.
Fjerning av meter, munnbind og krav om testing og isolasjon tredde i kraft frå same stund som pressekonferansen starta.
To utselte show med Bjørn Tomren fredag, gjorde at det var livleg fleire stadar allereie kvelden full før opning.
Laurdag var det blant anna fullt hus på standup på Elvehuset, som oppvarming på første kveld utan meteravstand eller redusert skjenketid sidan 9. desember.
Folk har tydelegvis oppført seg fint.
– Det blei ein roleg kveld og ei fredeleg natt for vår del, seier vakthavande ved Bjørnafjorden politistasjon.
Det einaste notatet frå natta er støy frå ein privat fest.
– Meldinga kom litt før klokka 01, i samband med ein fest i Øyane.
– Vi rykte ut, men då var festen i ferd med å bli avslutta.
