Publikum trakk til vårmønstringa
Sjå bildeserie og video: Sjølv om det ikkje vart ny kubikk-rekord er Bjørnafjorden Motorsykkelklubb storvegs nøgd med dagens vårslepp.
Bildeserie:
På førehand hadde arrangørane ein liten draum om å samla meir enn 200.000 kubikk med motorsykkel på dagens vårslepp i Vognhallen.
Under fjorårets treff, som var det første den nystarta klubben heldt, dukka det opp mange fleire motorsyklar enn det dei trudde skulle komma.
Det var difor knytt litt spaning til korleis oppmøtet ville bli i dag.
Kjekt at osingane tok turen
Øystein Grytøyr frå Bjørnafjorden Motorsykkelklubb fortel at det kom totalt 114 motorsyklar på treffet. 62 av desse vart med vidare på kortesja rundt i Os.
– Vi i klubben er ikkje anna enn storvegs nøgd med at så mange hadde lyst å vera med oss i Vognhallen i dag.
– Ekstra kjekt var det jo òg at så mange osingar ville komma og sjå på - dette var med å gjera treffet til ei stor oppleving for alle.
Grytøyr vil nytta høvet trekka fram gjengen som styrer i Vognhallen;
– Med «Mor Hjertaas» i spissen kunne vi tilby gjestane ein super kafe med kaffi og noko attåt!
I videoen under ser du starten på kortesjen:
Treff med tur: Bjørnafjorden Motorsykkelklubb from Midtsiden on Vimeo.