Pågåande seljar og plagsam ungdom
Politiet fekk inn tre klagar i går.
Onsdag i 17.40-tida fekk politiet melding om ein seljar som innringar opplevde som mistenkeleg.
– Vedkomande blir skildra på pågåande og framsto ikkje som oppriktig i forhold til kva vedkomande skulle selja, opplyser politiførstebetjent Morten Haugland.
Meldar møtte seljar i Os aust. Han skal ha gått frå hus til hus og prøvd å selja innbrotsalarm, men framsto som rusa.
Det er ikkje opplyst kva firma han skal ha representert eller om han var uniformert.
Patrulje var opptatt og vedkomande blei ikkje sjekka ut.
Klokka 19.45 i går fekk politiet melding om plagsam ungdom på Lekven.
– Dei skal ha leika «ring på spring», noko denne naboen opplevde som plagsamt.
Politiet hadde ikkje kapasitet til å rykka ut på denne meldinga.
Klokka 01 natt til torsdag kom det inn klage på feststøy frå eit naust i Lekven-området.
– Det skal ifølgje meldar ha vore ein del yngre festdeltakarar. Vi hadde ikkje kapasitet til å rykka ut på denne meldinga.
