Over 2000 utan straum
– Vi har operatørar ute.
I skrivande stund er 2.203 husstandar og bedrifter i Os utan straum.
– Det var ei stund oppe i over 2.700, seier Per Rune Henriksen frå BKK Nett.
Dei veit framleis ikkje årsaka til straumbrotet, men har operatørar ute i felten på undersøking.
Feilen oppsto klokka 09.29.
Berørte område er 2.002 abonnentar i Os sentrum og Søre Neset heilt til Halhjem og 202 i Borgavegen/Nordmarka.
OPPDATERT kl 10.19:
– Feilen som rammar Os sentrum og Søre Neset skal rettast ganske snart. Eg veit framleis ikkje kva som er årsaka, men ein av operatørane våre seier at dei snart får straumen tilbake, seier Henriksen.
– Når det gjeld dei drygt 200 i Borgavegen opp mot Hegglandsdalsvegen vil det gå noko lengre tid. Her ser det ut til å vera ein feil på linja, så det må rutast om og reparerast.
