Os testa ny spelar
Os 2 og Lysekloster 2 spelte uavgjort i dag, Os 2 med ny spelar frå Nest-Sotra.
Laurdag tok Os og Lysekloster eitt poeng kvar, søndag gjorde andrelaga det same.
Lysekloster 2 spelte 3-3 borte mot Trott i 5. divisjon og ligg no på 2. plass på tabellen.
Os 2 spelte 1-1 heime mot Trio i 4. divisjon og ligg på 8. plass etter 3 rundar.
Sander Kvittingen skåra Os 2 sitt einaste mål etter flott pasning av Espen Borgen berre to minutt ut i kampen. Trio utlikna halvvegs i første omgang.
– I dag spelte vi fin fotball, trilla ballen ut bakfrå, gjorde gode val med full innsats av heile det unge laget, seier Ørjan Håland.
God forsvarsrekke med ny spelar
Os 2 stilte med 9 juniorar, 5-6 av dei er førsteårs junior.
Keeper Frode Øvredal, som hadde nokre strålande redningar i dag, og forsvarsrekka med Tor Erik Kjosås Berge, Håvard Grøteide, John Ole Johannessen og nyervervinga Hadi Amiri, får mest skryt etter dagens kamp.
Amiri kom til Os frå Nest-Sotra no i vår. Han spelte ikkje i fjor, men byrjar tydelegvis å koma i form.
– Det var kjekt å sjå Hadi i aksjon, og eg trur ikkje det er lenge til han bankar på A-laget si dør, seier Terje Kvittingen.