Nytt smittetilfelle i Bjørnafjorden

Ein mann i 20-åra i Bjørnafjorden kommune har testa positivt for covid-19, opplyser Bjørnafjorden kommune i dag.

Smittevegen er førebels ikkje kjend.

– Smittesporing og kartlegging av nærkontaktar er i gang, melder assisterande kommuneoverlege Jonas Nordvik Dale.

Totalt er Bjørnafjorden kommune no oppe i 28 smitta, 14 i vår og 14 i haust.

Første sidan 17. september

Dagens konstaterte smittetilfelle er det 14. i haust, etter at vi hadde fire månadar utan smitte i bygda.

Førre smitta var òg ein mann i 20-åra, konstatert 17. september. Vedkomande og tre andre i 20-åra blei smitta på same stad.

12 av desse 14 smittetilfella i haust er menn og kvinner i 20-åra.

Datoane* for dei smitta i Bjørnafjorden til no:

* dato for offentleggjering via kommunen. Vedkomande kan ha fått konstatert smitte dagen før.

14 smitta i vår:
11. mars: Mann i 50-åra, smitta etter utanlandsreise.
14. mars: Mann i 50-åra og mann i 30-åra, ein av dei etter utanlandsreise.
20. mars: Kvinne i 20-åra, den første smitta på Fusa-sida av kommunen.
21. mars: Mann og kvinne i 40-åra.
23. mars: Fire nye smittetilfelle. Alle er i nær relasjon til ein annan smitta. Kjønn og alder er ikkje opplyst om.
4. april: Kvinne i 30-åra. Første konstaterte smitta på 12 dagar.
7. og 8. april: Smittetilfelle nummer 13 og 14, ein mann i 20-åra og ei ti år gamal jente.
14. april: Ektepar i 70-åra.

Til no 14 smitta i haust:
10. august: To i 20-åra etter utanlandstur.
(14. august: Soldat smitta i Ulven leir)
17. august: Mann i 20-åra smitta etter lengre opphald i utlandet.
21. august: Kvinne i 20-åra smitta innanlands, men i ein annan kommune.
26. august: Kvinne i 20-åra. Ho har vore i nærkontakt med kvinna som blei konstatert smitta 21. august, og er med andre ord den første i haust som er smitta internt i Bjørnafjorden kommune.
5. september: Ein mann i 20-åra i Bjørnafjorden kommune har testa positivt for covid-19. Smittevegen er kjent.
7. september: Mann i 30-åra.
11. september: 12 år gamal elev ved Os barneskule er smitta etter kontakt med ein smitta frå ein annan kommune.
13. september: Kvinne i 20-åra, smitta av nærkontakt frå ein annan kommune.
14. september: Kvinne i 20-åra, smitta av nærkontakt frå ein annan kommune.
16. september: To kvinner i 20-åra, smitta i Bergen.
17. september: Mann i 20-åra, smitta i Bergen, same stad som tre andre i 20-åra, meldt 13. og 16. september.
13. oktober: Mann i 20-åra.