Nytt album frå Waterwagon
Andre album frå dei rutinerte musikarane heiter «In real life».
Waterwagon slepp i dag sitt andre album, oppfølgjaren etter «Go for tomorrow» frå 2019.
Bandet har gitt ut nokre singlar etter debutalbumet, også i pandemien, og er no klar med albumet «In real life».
Vokalist Øyvind Hægland står for tekst og musikk på alle låtane, sett vekk frå to låtar av Tore Thorsen.
– Tekstane handlar for det meste om dagens situasjon, kjørleik, tapt kjærleik og verdien av nestekjærleik og solidaritet, fortel Hægland.
Avsluttingslåten «You're not alone» tar for seg menneskehandel.
Legenda Magne Lunde, som gjekk bort i fjor, speler trommer på fem av låtane.
– Dyktige og erfarne Helge Nyheim har takka ja til å tre inn og overta trommene etter Magne, fortel Hægland.
Waterwagon består av veletablerte musikarar frå Bergen og Os, med link til namn som Trang Fødsel, Kaizers Orchestra, Animal Farm og Egil Eldøen .
Waterwagons siste album - In real life:
Magne Lunde R.I.P. - trommer på 5 låter
Helge Nyheim - trommer og koring/vokal på 5 låter
Ole Amund Gjersvik - bass
Daniel Birkeland – gitar og koring
Øyvind Hægland - vokal
