Nøss frå start då Noreg slo England
Nora Blindheim Nøss fekk mykje speletid i to gode bortekampar mot England
Arna-Bjørnar-spelar Nora Blindheim Nøss frå Os var del av troppen då Noreg J17 skulle spela årets to første kampar.
Kampane gjekk borte mot England søndag og i dag, og er siste førebuing før siste del av EM-kvalifiseringa.
Søndag spelte Nora frå start og heile kampen. Noreg vann 3-1.
I dag kom Nora innpå frå starten på andre omgang.
Kampen enda 0-0.
– Dette har vore veldig gode førebuingar. Både spelarane og vi rundt laget er klare for det som ventar oss i slutten av mars, seier landslagstrenar Elise Brotangen til fotball.no.
Kampane gjekk på England sin nasjonale treningsarena St. Georges Park, opna i 2012 i Burton upon Trent.
Frå 24. til 30. mars skal Noreg kjempa om ein plass i EM i Bosnia og Hercegovina.
Sverige, Serbia og Romania er motstandarar i den andre kvalifiseringsrunden. Kampane går på norsk heimebane i Stavanger og Sandnes.
Nøss spelte seks landskampar for J16 i fjor, to mot Spania i august, så mot Tyskland, Sverige, Bulgaria og Ungarn i september og oktober.
