No er E39 stengt retning nord
Veidekke og Vassbakk & Stol stilte presis ved midnatt. No går trafikken frå Halhjem via Os sentrum mot Bergen.
Bildeserie:
Ved midnatt søndag kveld blei E39 stengt i retning nord frå Moberg til Svegatjørn. Vegen blir stengt i fire månadar grunna arbeid med ei grøft frå Svegatjørn til Ulvenvatnet i samband med bygging av E39 Svegatjørn-Rådal.
Les meir om bakgrunnen og den venta trafikkauka gjennom Os sentrum i denne saka og dette lesarinnlegget frå Statens vegvesen.
Trafikken mot sør skal gå som normalt i heile perioden.
Vassbakk & Stol og hovudentreprenør Veidekke stilte med fire bilar, gravemaskin og lastebil for å få på plass skilting i samband med stenginga.
Ny fartdump og dirigering ved overgangar
I løpet av helga har det òg kome på plass ein ny fartsdump på nedsida av fotgjengarfeltet mellom Giljavegen og Midtskogvegen i Mobergsbakken.
Frå måndag morgon er det manuell dirigering ved to av fotgjengarfelta i Mobergsbakken i samband med skulestart og skuleslutt.