Mistenker promillekøyring etter at båt gjekk på grunn
Ingen blei skadd i hendinga.
Politiet fortel om ei livleg helg med få utrykkingar så langt.
– Laurdag kveld og natt til søndag kom det inn klage på feststøy frå fleire plassar i kommunen, fortel politioverbetjent Christine Grindstein.
Politiet hadde ikkje kapasitet til å oppsøka alle adressene, men operasjonssentralen fekk gitt muntleg pålegg over telefon til fleire om å dempa lydnivået.
Fredag i 08-tida fekk politiet melding om ein båt som hadde gått på grunn.
– Ingen var skadd i hendinga, men båtførar, ein mann i 40-åra, er mistenkt for å ha køyrd med promille.
Grunnstøtinga skal ha skjedd i 02-tida. Båten blei taua til land av ei redningsskøyte.
Båtførar blei tatt med for blodprøvetaking og det er oppretta sak.
Det er ikkje opplyst kvar i skjergarden båten gjekk på grunn.
