Mista last i Liafjellstunnelen
Eit køyrefelt var stengt i ein time. Førar er meldt for mangelfull sikring av last.
Onsdag i 12-tida fekk politiet melding ulike gjenstandar i vegbanen på E39 i Liafjellstunnelen.
– Ein del ulike gjenstandar hadde ramla av hengaren på ein bil, fortel politioverbetjent Audun Hadler-Olsen.
Politiet sikra det eine køyrefeltet fram til Vegtrafikksentralen fekk rydda opp. Vegen var open igjen i 13-tida.
– Førar er meldt for manglande sikring av last.
Mistenkt for ruspåverka køyring
UP patruljerte i Os i går. På E39 på Søfteland stoppa dei ein mann i 30-åra som er mistenkt for køyring i påverka tilstand.
Mobil «drugtest» gav ikkje utslag, men det er tatt utvida blodprøve.
Det er førebels ikkje tatt beslag i førarkortet.
Framstilt for varetekt etter vald
Fredag blei ein mann ilagt besøksforbod mot ekskona, tysdag blei han pågripen, mistenkt for både brot på besøksforbod og vald mot kvinna.
– Mannen blir i dag framstilt for varetekt, opplyser politiet.