Trassa besøksforbod og var valdeleg

Fredag blei ein mann ilagt besøksforbod mot ekskona. Mannen kjem frå ein annan kommune, og det oppsto eit handgemeng då han oppsøkte kvinna, som bur i Os.

– Trass besøksforbodet oppsøkte han kvinna igjen i går. Då skal han ha vore valdeleg, fortel politioverbetjent Audun Hadler-Olsen.

Politiet blei tipsa av naboar, som såg at mannen kom på besøk. Mannen var på staden då patruljen kom fram.

– Han blei pågripen utan dramatikk. Mannen blei køyrd i arresten og skal i avhøyr i dag.

Med ungane som vitne

Paret, som er i 30-åra, har felles born. Dei skal ha vore vitne til valden.

– Dette er straffeskjerpande, det er òg brotet på besøksforbod, seier politiet.

Brot på forbod har ei strafferamme på eitt år.

Kvinna skal ikkje ha blitt alvorleg skadd eller hatt behov for legehjelp etter episoden.